Whhite House Designs

شطب شقتك بأحسن الاسعار
أفضل صنايعية
أعلى مستوى تشطيب
متشيلش هم وجع دماغ الصنايعية و استلم على المفتاح
أشرف هندسى
كلمنا على
01229940375

الدهانات ♥️
خدلك معلومه علي الماشي
النقاشه مش بس الوان متناسقه مع الفرش أو مع نفسها ، فيه شويه ملاحظات ارجو كل واحد يقرأها كويس
عشان يتفادي اللي ممكن يحصل ..
١/ لو هتدهن بلاستيك كمبيوتر ، اعمل حسابك أن اللون بيغمق ع الحيط درجه أو درجتين
حاول تجيب كيلو واحد تجربه قبل ما تشتري الكميه كلها
أو ممكن تخلي ال واقف عل جهاز التلوين يحط ( نص الكميه)
من اللون علي البلاستيك وتجرب ، هنا هيكون معاك ميزه انك ممكن ترجع تغمق اللون
٢/ لما تيجي تعمل عينه فاتحه اعملها علي ارضيه بيضه عشان اللون يبان
٣/ لو عندك اسبوتات وبيوت نور اعمل حسابك الحيطان تحتها تكون مسحوبه أربع سكاكين معجون أو حتي خمسه ومتصنفره صنفره دوكو ، عشان لما تنور متلاقيش عيوب
٤/ اخر وش دهان بيتعمل بعد ما الاسبوتات تكون راكبه عشان لو فيه عيوب النقاش يشوفها قبل ما يشطب
٥/ لو بتحب غسيل الحيطان ابعد تماما عن البلاستيك المط لانه مش بيتغسل حتي لو الموان أو النقاش اقسملك أنه بيتغسل
٦/ الناس ال هتدي وش نضافه والحيطان عندها غامقه
بتاخد وشين تلاته بلاستيك انما ال يقولك دي محتاجه معجون يا باشا دا بيضحك عليك . المعجون للتنعيم وليس للتفتيح
٧/ لما تيجي تستلم شغلك شغل الاسبوتات كلها واستلم عليها
White House