Mahmoud Nabil

كنت بتفرج على كلام لــ William Cooper بيتكلم فيه عن فكرة اسمها "السيرك الروماني". الفكرة دي حصلت زمان في أيام Roman Empire، بس الغريب إنك لما تفكر فيها شوية هتحس إنها لسه موجودة حوالينا بس بشكل مختلف.

زمان لما الناس في روما كانت تبدأ تسأل أسئلة عن الحكام أو تتضايق من الأوضاع، كانوا ببساطة يعملوا مهرجانات وسيرك ضخم فيه مصارعين وسباقات وعروض قدام آلاف الناس. الناس تتحمس وتتفرج وتنسى كل حاجة حواليها. الفكرة كانت إنهم يفضلوا مشغولين بالفرجة بدل ما يفكروا أو يسألوا.

كوبر كان بيقول إن الفكرة دي ما اختفتش… هي بس اتطورت.

دلوقتي مفيش سيرك بالشكل القديم، لكن بقى عندنا سيرك من نوع تاني. كمية ترفيه لا نهائية، أخبار تافهة، تريندات، جدالات على السوشيال ميديا، وبرامج هدفها الأساسي تشغل الناس طول الوقت.

الإنسان يفضل طول اليوم بيتفرج، أو بيتابع تريند، أو داخل في نقاشات ملهاش أي قيمة حقيقية. وفي وسط كل ده ساعات الواحد ينسى يطور من نفسه، ينسى يقرأ، ينسى يتعلم حاجة مفيدة، أو حتى يراجع علاقته بدينه.

في نقطة كمان مش بس انك تبقي مشغول بحاجات ملهاش لازمة، ولكن المجتمع عموما واصحاب الاعمال بيكونوا عايزين حرفيا مش عايز اقول عبد ولكن بني ادم بدون دماغ فبالتالي اغلب الناس بيكون السوشال ميديا محتوي حياتهم وطبعا مش بيشتغلوا علي نفسهم وبيضطروا يشتغلوا لساعات اطول عند اصحاب الاعمال دول، عموما المقصد هنا كل الدنيا كل مشتتات غرضها فقط ضياع دينك وشخصيتك وتكون بلا قيمة وبالتالي التحكم فيك بيكون سهل زي ما احنا شايفين حركات كتيرة وغربية منتشرة بقالها فترة زي الالوان، النسوية، الذكوريةو............الخ ده كله غرضة انك تبقي علي طول في خناق مع الناس ال حواليك وضياع وقتك ودينك وتشوية الفطرة السوية.

الحل بكل بساطة استقل بذاتك وافهم ان كل ال بيحصل حوليك موجود لتشتيتك عن دينك واهدافك.

الفكرة مش إن الترفيه نفسه غلط، لكن المشكلة لما الترفيه يبقى مسيطر على كل حاجة في حياتنا لدرجة إنه يخلينا دايمًا مشغولين بتفاهات، لدرجة إننا ننسى الحاجات اللي فعلاً ممكن تخلينا أحسن كأشخاص.

Improve your pronunciation💪

Improve your Pronunciation.💪
Speak better English🔈

عبارات بنقولها بالعربي مش بنعرف نقولها بالانجليزي.

لو عمرك وقفت قدام جملة بالعربي ومش عارف تقولها بالإنجليزي.. الفيديو ده معمول ليك 👌