HerMosa Casa - Marwa Matat

🌸🌿

أنا طلبت من سيف اشوف اول بنـ ..ـت عايزه تتجوز من غير نيش ..انتي لازم يتعملك محميه طبيعيه .
😊🤓

#مروةمطاط

كل سنه وانتو طيبين ... رمضان كريم ومبارك علينا الشهر اللهم اميين .. 🌷🌻🌸🌼
تمنى شهر مبارك وكل عام وأنتم بالخير واليمن والبركات
🙏🏽🙏🏽

العميل : انا محتاج اقلب محل البيتزا دا لمحل سمك بس اللي يدخله يرتاح نفسياً وأحس المكان واسع رغم انه ضيق 💁🏻‍♀️💁🏻‍♀️ وعايز نوضح الهدف اننا نحكي عن بورسعيد كمان ..
و قد كان بفضل الله
🦋🐠🐡🐟 وقصة بورسعيد على الجدران .. في مساحة أقل من 35 m2 للدور #مطعم #السمسمية #الرحاب
اللهم نسألك التوفيق .. اميين
من #مروةمطاط


#ركز

تشبه الـ

مهم إن عنيك تشوف حاجه حلوه على امتداد البصر 🔅💛
ملاحظه الشغل دا خلص في 10 ايام .. اه والله 🤓 ربنا يبارك لأصحابها ..
اللهم نسألك التوفيق .. اميين
من #مروةمطاط


#ركز

هقولك ازاي تختاري السفره بتاعتك :
1- اول حاجه هتقيسي المكان عندك المخصص للسفره طول في عرض .
2- هنختار طراز ( استايل ) السفره بناء على الطراز بتاعي اللي انا اصلا مستخدماه في تصميم الشقه بتاعي .
3- اجيب حاجه عجباني فعلا .. مش اجيب اي حاجه عشان عايزه اخلص من العفش والشقه .
4- الدهانات حوالين السفره لازم تكون مكمله للمكان وشغل السفره ودي يحققها معاكي مهندس الديكور اللي معاكي .
متابعة شغل الخشب قبل الدهان وزيارة الورشه اثناء التنفيذ اذا بتعمليها عموله .
5- اخيرا
هنجيب طقم أطباق يكون متناسق مع الديكور بتاعي + إكسسوارات الترابيزه عباره عن :
( شمعدان او شمع عدد اتنين - فاز صغيره او كبيره حسب الشغل - مفرش صغير ) بلاش المفارش الكبيره حاليا ..
و هتعملي اجمل سفره بأبسط طريقه 🤍❤️ تابعينا كل يوم هتلاقي معانا معلومه تفيدك ..
إضافات من #مروةمطاط


#ركز

ازاي تغيري من ديكور حمامك :
1- ضيفي اكسسوارات بألوان فصول السنه زي ( شمع - فوط - فاز صغيره - زرع ) كل فصل تغيري .
2- غيري وحدة اضاءة السقف لحاجه مختلفه
3- هاتي مرايه جديده بإطار اسود مش مربعه .
4- في استيكر بيتعمل يتلزق على السيراميك يغير شكله خالص ويتشال عادي لما تزهقي منه .
5- حطي ليد ورا المرايه و لو فنانه ارسمي بإيدك على كام بلاطه .
وفي افكار تانيه كتير اذا تابعتينا كل بوست فيه معلومه مفيده .. 💁🏻‍♀️ 🌸
#حمام #بوهو #ستايل
#تصميم من #الطبيعه
#مروةمطاط

#تصميم لـ #غرفة #نوم #مودرن
فكرة الخشب بتاخدك للطبيعه : بمعنى ادخال عنصر طبيعي على التصميم بيزيد المكان دفيء .. مع طبعا اني بمزج الناتشورال والمودرن دا بيكون عامل جذب للرائي عموماً ويعتبر من وسائل نجاح اي تصميم.
السقف العادي بالتراكات اصبح الموضه الجديده .. اسقف الچيبسنبورد ذات الكتل أصبحت إلى زوال ..
فكرة المرايه ناجحه جدا لانها عشوائية وغير منتظمه ودا بيخليني اقول ان فكرة المرايا في غرفة النوم خارج إطار التسريحة التقليديه دايما بيكون ناجح اساسا .. مع عدم الأخذ في الاعتبار ( ثقافتنا القديمه ) ان وجود مرايا في المكان نذير شؤم و غلط وغير مستحب .. رأيي أنه طالما بيخدم جمال المكان وفي حدوده المعقولة اللي فرضتها عليه انا كـ مصمم ديكور يبقى ليه لاه 💁🏻‍♀️ ..
وأخيرًا .. اخر ملاحظه احب ألفت نظركو ليها..
فكرة الخطوط المحفورة بإنتظام وميول اللي في عرق الخشب في ضهر السرير .. بسيطه وأجمل في بساطتها لأن الجمال هنا هوا التضاد بين الحفر المودرن جدا ونهايات العرق الناتشورال جدا ودا في اعتقادي اللي كان مطلوب نحسه ودا فكر المصمم الخاص بالمكان دا .. اهم حاجه لما تيجي تصمم مكان انك تكون صاحب #فكر و #فكره و #طراز و #اختلاف ..
ودي كانت #دراسة في #حب #تصميم عجبني ..
اتمنى أكون أفدتك بشيء .. مع #الحب و #التقدير للجميع ..
#مروةمطاط

بـ #فكره و #خطوات بسيطه تقدري تغيري #مدخل #بيتك 👇🏻:
١- هنحط #كونسول مقاس وشكل حلو ( معلق او غير )
٢- هنحط وحدة #اضاءة شيك جدا وجديده وتخطف العين .
٤- هنهتم بـ #سجاده مناسبه للتكوين كـ مقاس ولون هادي.
٥- أوجدي مكان لـ #بنكيت منجد صغير من اعلى فقط.
٦- اخلقي جزء من #الحائط واعملي فيه شكل #ديكوري مميز حسب مقاس الحائط عندك ( لوحة - شغل خشب- رخام ) حتى ولو ٣٥ سم ( بالطول )من كامل المساحة .
٧- ماتنسيش #المرايه ( مدوره ) .
٨- اعملي حسابك على جزء صغير يكون #جزامة مرفق مع كل اللي فات ..( اذا متوفره عندك ).
نصائح كتير اكتر اذا تابعتي معانا البوستات هنا على .......
#مروةمطاط

Enterace #