06/07/2026
Petsa: July 6, 2026
Oras: 2:00 pm
Lugar: Barangay Santo Niño, Cabangan, Zambales Multipurpose Hall
Paksa: BDRRMC RE-ORIENTATION SA MGA TUNGKULIN AT PANANAGUTAN
Bilang bahagi ng patuloy na pagpapalakas ng kahandaan ng ating komunidad sa harap ng iba't ibang sakuna at kalamidad, matagumpay na isinagawa ang "BDRRMC Re-Orientation on Roles and Responsibilities" para sa Barangay Disaster Risk Reduction and Management Committee (BDRRMC) ng Barangay Sto Nino Cabangan sa pangunguna ng Municipal Disaster Risk Reduction and Management Office (MDRRMO) ng Cabangan.
Tinalakay sa re-orientation ang mahahalagang probisyon ng Republic Act No. 10121 o Philippine Disaster Risk Reduction and Management Act of 2010, na nagtataguyod ng isang komprehensibo, maagap, at nakasentro sa komunidad na sistema ng Disaster Risk Reduction and Management (DRRM). Binigyang-diin din ang buod ng mga tungkulin at pananagutan ng bawat miyembro ng BDRRMC, kabilang ang:
🔹 Pamunuan at Administrasyon – Nangunguna sa pamamahala, paggawa ng mga desisyon, at koordinasyon ng mga programa at gawain ng BDRRMC.
🔹 Pag-iwas at Pagpapagaan ng Panganib (Prevention and Mitigation) – Nagsasagawa ng mga hakbang upang mabawasan ang panganib at epekto ng mga sakuna sa komunidad.
🔹 Kahandaan (Preparedness) – Tinitiyak ang kahandaan ng barangay sa pamamagitan ng maayos na pagpaplano, pagsasanay, information dissemination, at iba pang paghahanda.
🔹 Pagtugon (Response) – Nagbibigay ng maagap at organisadong pagtugon upang mailigtas ang buhay, mapangalagaan ang ari-arian, at maipagkaloob ang agarang tulong sa panahon ng sakuna.
🔹 Pagbangon at Rehabilitasyon (Recovery and Rehabilitation) – Nangunguna sa pagpapanumbalik ng mga pangunahing serbisyo, kabuhayan, at imprastraktura upang makabangon ang komunidad nang mas matatag.
Ang gawaing ito ay higit pang nagpatibay sa kaalaman at kakayahan ng mga miyembro ng BDRRMC upang maisakatuparan ang kanilang mandato alinsunod sa RA 10121 at mapanatili ang isang ligtas, handa, at matatag na pamayanan.
Lubos naming kinikilala at pinasasalamatan ang aktibong pakikilahok ng iba't ibang sektor ng ating komunidad, kabilang ang mga Senior Citizens, sa pangunguna ni Sto Niño Sr President Mrs. Judith Mangahas, Samahang Zambaleña (Kababaihan) na kinatawan ni Ms. Elizabeth Bacungan, Persons with Disabilities (PWDs) sa pangunguna ni Sto. Niño PWD President Ms. Joella Fernandez, Farmers na kinatawan ni KABISIG FARMERS Association President Mr. Mario Cabling, mga Mangingisda, Sangguniang Kabataan Santo Niño sa pag representa ni SK Kagawad John Mark Macalintal, kinatawan ng Academe mula sa Sto Niño ES na si Ms. Shirly Lorrene Arca Sanchez, mula sa CEGA and faith based group, kinatawan ni Pastor Lloyd Kristian Antonio Varona, LGBTQIA, mga Barangay Officials sa pangunguna ni Punong Barangay Jose G. Bueno at mga Barangay Personnel (BHWs at Barangay Tanods). Ang inyong presensya at pakikiisa ay nagpapatunay na ang kahandaan sa sakuna ay hindi lamang tungkulin ng BDRRMC kundi isang sama-samang pananagutan ng buong komunidad.
Sa ating Cabangan MDRRM Officer Sir Gregg Champ Del Rosario kasama ang mga MDRRM personnel, BFP sa pangunguna ni JFO3 Ariel D. Layda at mga kasama nya, gayundin kay PSMS Gene Aguillon na kumatawan sa Cabangan Mps Zambales Ppo, salamat sa pagbabahagi ng inyong kaalaman, at mga payo para mas mapanatili ang kahandaan at kaligtasan ng bawat isa.
**
