30/10/2026
ایبٹ آباد: 30 اکتوبر سے گرجا چوک تا فوارہ چوک ٹریفک ون وے کرنے کا فیصلہ، متبادل راستوں کا اعلان
ایبٹ آباد میں ٹریفک کی روانی کو برقرار رکھنے اور شہریوں کو سفری مشکلات سے بچانے کے لیے 30 اکتوبر 2026 سے گرجا چوک سے فوارہ چوک تک ٹریفک کو ون وے کر دیا جائے گا۔
شہریوں کی سہولت کے لیے متبادل راستے مختص کیے گئے ہیں۔ پفر چوک سے جی ٹی روڈ استعمال کیا جا سکتا ہے، جبکہ گرجا چوک سے جی پی او چوک، شیروان کراسنگ، شہزادہ مسجد چوک اور شاہین چوک کے راستے بھی متبادل کے طور پر استعمال کیے جا سکتے ہیں۔
اسی طرح فوارہ چوک کی جانب سے آنے والے شہری بازار کا راستہ اختیار کر سکتے ہیں۔
ایبٹ آباد ٹریفک پولیس نے شہریوں سے اپیل کی ہے کہ وہ ٹریفک پلان کے مطابق متبادل راستے استعمال کریں، ٹریفک قوانین کی پابندی کریں اور دورانِ سفر ٹریفک اہلکاروں کے ساتھ تعاون کریں تاکہ ٹریفک کی روانی برقرار رہے اور عوام کو آمدورفت میں سہولت فراہم کی جا سکے۔
