23/10/2026
سینیٹر روبینہ قائم خانی کا بریسٹ کینسر سے آگاہی کے حوالے سے پیغام
۔۔۔بریسٹ کینسر ایک اہم طبی اور سماجی مسئلہ ہےجس کے خلاف مؤثر جدوجہد کے لیے آگاہی بروقت تشخیص اور معیاری علاج تک رسائی ناگزیر ہے۔
خواتین کو چاہیے کہ وہ اپنی صحت کو ترجیح دیں کسی بھی غیر معمولی تبدیلی کو نظرانداز نہ کریں اور بروقت مستند ڈاکٹر سے رجوع کریں۔ خوف جھجک اور معاشرتی دباؤ کی وجہ سے علاج میں تاخیر نہیں ہونی چاہیے۔
بریسٹ کینسر کے خلاف جنگ صرف آگاہی مہمات تک محدود نہیں رہنی چاہیے بلکہ خواتین کے لیے قابلِ رسائی تشخیصی مراکز معیاری علاج اور نفسیاتی معاونت کی فراہمی بھی یقینی بنانا ضروری ہے۔
حکومت، طبی اداروں میڈیا اور سول سوسائٹی کو مل کر ایسا ماحول پیدا کرنا ہوگا جہاں ہر خاتون اپنی صحت کے بارے میں بلاجھجک بات کر سکے اور بروقت طبی سہولیات حاصل کر سکے۔
آگاہی زندگی بچاتی ہے بروقت تشخیص امید دیتی ہے اور بروقت علاج زندگی کو محفوظ بنانے میں اہم کردار ادا کرتا ہے۔
آئیے ہم سب مل کر بریسٹ کینسر کے خلاف شعور بیدار کریں اور خواتین کو صحت مند، محفوظ اور باوقار زندگی گزارنے میں اپنا کردار ادا کریں۔
سینیٹر روبینہ قائم خانی ۔۔
