تورگل۔صاحب،

*گریال اور حیاگے کا زمینی تنازعہ: *

گریال اور حیاگے کے درمیان زمینی تنازعہ نے پورے علاقے کا امن درہم برہم کر دیا ہے۔ حالات انتہائی کشیدہ ہیں اور فائرنگ کا سلسلہ جاری ہے۔ یہ صورتحال حکومت اور انتظامیہ کی نااہلی اور غیر سنجیدگی کا واضح ثبوت ہے۔

حقیقت یہ ہے کہ فائرنگ کا آغاز حیاگے والوں کی طرف سے کیا گیا۔ گریال والے صرف ظالم کے مقابلے میں اپنا دفاع کر رہے ہیں۔ اپنی زمین، جان و مال کا تحفظ ہر مظلوم کا قانونی اور اخلاقی حق ہے۔ مگر افسوس کہ مظلوموں کی کوئی سننے والا نہیں۔

آخر کب تک بالا افسران، اعلیٰ حکام اور جرگہ کے "مشران" اس کھلے ظلم پر خاموش رہیں گے؟ مہینے گزر گئے۔ گریال والے انصاف کے لیے چیخ رہے ہیں، فریادیں کر رہے ہیں، مگر انصاف دینے کے دعویدار کہیں نظر نہیں آتے۔ یہ مجرمانہ خاموشی کئی سوالات کو جنم دے رہی ہے۔

آخر کیا وجہ ہے کہ حیاگے والے مظلوم گریال والوں پر گولیاں برساتے ہیں اور انہیں روکنے والا کوئی نہیں؟ کیا وہ خود کو قانون سے بالاتر سمجھتے ہیں؟ کیا انہوں نے ریاست کے اندر اپنی متوازی ریاست قائم کر رکھی ہے؟ اگر قانون سب کے لیے ایک ہے تو پھر یہ دوہرا معیار کیوں؟

جب ریاست اپنے شہریوں کو تحفظ فراہم کرنے میں ناکام ہو جائے تو لاقانونیت جنم لیتی ہے۔ لوگ اپنی جان بچانے کے لیے خود اقدامات اٹھانے پر مجبور ہو جاتے ہیں۔ یہی خانہ جنگی کی بنیاد ہے۔

*ہم تمام بالا حکام، ضلعی انتظامیہ اور جرگہ کے مشران سے پُرزور اپیل کرتے ہیں* کہ فوری طور پر اس مسئلے کا مستقل اور منصفانہ حل نکالا جائے۔ فائرنگ میں پہل کرنے والوں کے خلاف سخت کارروائی کی جائے۔ زمین کا سرکاری ریکارڈ طلب کر کے شفاف تحقیقات کی جائیں۔ ظالم کو سزا اور مظلوم کو انصاف دیا جائے۔

اگر اب بھی غفلت برتی گئی اور خدانخواستہ مزید جانی نقصان ہوا تو اس کی تمام تر ذمہ داری متعلقہ حکام پر عائد ہوگی۔ خاموشی توڑیں اور انصاف کریں، اس سے پہلے کہ بہت دیر ہو جائے۔