Şirkətimizdə müasir mebel tələblərinə cavab verən yataq, qonaq, uşaq, ofis mebelləri, habelə qapı və pəncərə blokları istehsal edilir.
Şirkətimiz “Sumqayıt Ağac Emalı” zavodu olaraq 1946-cı ildə tikilib, fəaliyyətə başlamış, 2000 –ci ildən Azərbaycan Respublikası İqtisadi İnkişaf Nazirliyi tərəfindən “Sumqayıt Ağac Emalı” Açıq Səhmdar Cəmiyyəti kimi yenidən təşkil edilmişdir.
Şirkətimiz, 2012-ci ildən etibarən “Mebelli” markası ilə fəaliyyətinə davam etməkdədir. 15950 m² qapalı, toplam 70175 m² -lik ərazidə fəaliyyət göstərən ş
irkətimiz müasir mebel sənayesinin ən öndə gedən “HOMAG” , “İMA”, “BURKLE”, “DIEFFENBACHER” kimi Alman və İtalyan avadanlıqları ilə təchiz edilmişdir. Yeni müasir texnologiyalardan yararlanaraq şirkətimizdə müasir mebel tələblərinə cavab verən yataq, qonaq, uşaq, ofis mebelləri,habelə qapı və pəncərə blokları istehsal edilməkdədir. Bununla yanaşı şirkətimizdə “DIEFENBACHER” markalı pressdə laminat lövhələrin, “HOMAG” tipli avadanlıqda membran və PVS qapıların istehsalına xüsusi yer ayrılır. Regionda ilk dəfə olaraq laminat parket plitələrin istehsalı məhz bizim şirkətimizdə həyata keçirilmişdir. Bu avadanlığın istehsal gücü ildə 3 milyon m³ – dur. İstehsal olunan bütün məhsullar Avropa Normaları (EN EUROPEAN NORMS) toplusunda yer alan, ekoloji cəhətdən keyfiyyətli, insan sağlamlığına zərərsiz olan E1 normalarına cavab verir. Şirkətimizdə interyer üzrə peşəkar məsləhətçi və dizayner qruplar fəaliyyət göstərir. Keçirilən bütün mebel sərgilərində iştirak, mebel bazarının tələb və təkliflərinin daima aparılan marketinq tədqiqatları vasitəsi ilə öyrənilməsi mütəxəssislərimizin qabaqcıl mebel ənənələrindən xəbərdar olmağa geniş imkan yaradır. Belə ki, qabaqcıl Beynəlxalq Sərgilərə çıxarılmış yeni avanqard mebellərə bizim firma salonlarında rast gəlmək heç də təəccüblü deyil. Şirkətin www.mebelli.com saytından ən yeni xəbərlərlə, geniş çeşidlərlə tanış olaraq, yeni daxil olan mallar haqqında operativ məlumat almaq və qiymət cədvəllərini çap etmək mümkündür. Saytın interaktiv strukturu müştərilərlə rahat əlaqə yaratmağa, onların tələb və təkliflərini öyrənməyə geniş imkan yaradır.
Şirkətdə servis xidmətinə xüsusi yer ayrılır. Müştəri hər bir zaman öz arzu və iradlarını çatdıraraq operativ surətdə lazımi köməkliklər ala bilər. Bu növ xidmət satışdan sonrakı mərhələni də özünə birləşdirərək effektiv kompleks xidmətin yaradılmasına imkan verir. Qabaqcıl dünya texnologiyalarına əsaslanan istehsal layihələrinin tətbiqi və həyata keçirilməsi “Mebelli” Şirkətinə nəinki rəqabətə davamlı məhsullar istehsalına şərait yaradır, həm də sənaye infrastrukturunda yeni iş yerləri açmağa köməklik göstərir. Şirkətin istehsal məhsulları Azərbaycan Standartlaşdırma və Metrologiya Agentliyi tərəfindən sertifikatlaşdırılmışdır. Stabil və dinamik fəaliyyət “Mebelli” şirkətinə Zaqafqaziya məkanında yüksək dünya standartlarına uyğun, etibarlı və nəhəng istehsalçı-satıcı statusunu qazandırmışdır.
Want your business to be the top-listed Furniture Store in Sumqayıt?
