Quotes & Photos

✍ الناس العفوية !!

اللي محدش مصدق إن لسه ليهم وجود ، اللي بيشاوروا عليهم ويقولوا تفكيرهم قديم من أيام العصر الحجري ... اللي محدش بيصدق عفويتهم ..

الناس دي فعلا بتتظلم كتير ، وبتتعامل بطبيعتها جدا ، وفعلياً مبيفهموش في نظريات المؤامرة ولا حتى الحقد أو الغل أو انهم يخزنوا لحد جواهم رغم ان عندهم قوة تحمل وصبر رهيبة !!

وأه .. آه بيعرفوا يمسحوا الذكريات الوحشة ، وأه عندهم مليون استعداد ينسوا كل المشاكل ويبتدوا معاكم كل يوم صفحة جديدة مقابل العيشه في سلام وراحه نفسية .

الناس دي أكبر مشاكلها انها لما بتشوف حاجه مبتعجبهاش بيتكلموا في وقتها ، مبيفكروش في النتيجة ، بيتكلموا بدافع الخوف والحب علي علاقتهم باللي حواليهم - لكن - للأسف بتتفهم منهم انها تخطيط وخبث ومؤامرة لتحطيم العلاقة .

بيسكتوا مش ضعف ، ولا قلة حيلة - لأ- بيسكتوا صدمه من رد الفعل وسوء الفهم وسوء الظن اللي كلامهم بيتاخد بيه ... رد فعلكم بيكون زي حجر تقيل اتركن علي صدورهم وقلوبهم ..

ناس بتتعامل مع أي حد حواليها بطريقة عاديه ، سواء في الواقع أو العالم الإفتراضي ، بيسمعوا من أي حد ولأي حد من باب الإنسانية ، لكن للأسف بيقعوا في مشاكل كتير وبيتفهم تعاملهم في الحالة دي انه اهتمام ، ومش محتاج أقول الاهتمام بيتفهم ايه في الوقت الحالي ... !!

ناس بتدفع ضريبة الثقه خذلان ، تعاملهم محدود آه رغم حبهم للعلاقات والتعارف ، وده للأسف لإن الناس بتشوفهم شخصيات ساذجه وعلي نياتها !!!

الناس دي عايشة في الزمن ده في حالة تقبل للأسوء ، مبقاش يهمهم الناس بتبص عليهم ازاي ، ومبقاش يهمهم ممكن يتفهموا ازاي ، ومهما يقاوحوا ويقولوا خلاص هنتعامل بخبث زي باقي الناس ... هما يدوب كام ساعه مجرد ما بيناموا ويصحوا بيرجعوا زي ماكانوا !!

بالتلقائية !!
والعفويه !!
ومليون حرب نفسيه !!

بس في النهايه أحب اطمنهم بكلمة واحده مختصرة جدا ..
يكفيكم ان ربنا عالم بالنوايا ...

وده كفاية أوي !!

مافيش حد اناني قد اللي مش عاوز يخسرك لكن مش عاوز يتعب عشان يحافظ على وجودك، مش عاوزك تمشي لكن سايب ايدك .. عاوزك تفهم وتعذر وتسامح ومش عاوز يجرب مايعملش اللى بيوجعك ويزعلك .. عاوزك تحب وتحن وتصبر ومش مهم هو يقدر ده حتى !

✍ خلوا بالكم في ناس كده سكوتها مُخيف !!

اللي بيسكتوا وقت غلطات كبيرة في حقهم، وبيتغاضوا عن حاجات صعب أى حد يتحمّلها.
اللي بيعملوا نفسهم مصدّقين كلام أى بني آدم عارف انه كدب وبيكتفوا بابتسامة "قاتلة"
اللي بيستحملوا وبييجوا على نفسهم كتير.
اللي بيبقوا قريبين وبالرّاحة بينسحبوا في صمت ومن غير دوشة.
اللي "بيتناسوا" عشان يسامحوا بس مابينسوش.

الناس دي زعلها وحش أوي، وغالباً لحظة انفجارهم بتكون صعبة وصادمة لأى حد مهما كان قريّب منهم، بتبقى لحظة هما مقرّرين فيها انك .. اتلغيت من حياتهم مهما حاولت تصلّح بعدين.

رغم طيبتهم، خاف !
خاف تفقدهم لإنهم نادرين، لإنهم حبوك واستحملوا كتير عشان يفضلوا موجودين.

اتقِ شرّ الحليم .. إذا غضب.
إذا سامح وغفر، إذا تناسى وصبر، إذا تغاضى وعذر.
اتقِ شرّهم "إن أردتَ بقائهم" 🙂🖤

لو علم الذين أذونا ما كان لهُم من خير في قلوبنا، لما فعلوا.

يلا خدو الشر وراحو

و ‏سكت المؤدب من أدبه ‏.... فظن قليل الأدب أنه من أسكته !!

كنا نحب الكثير من الأمور المشتركة, كنت أحبه وكان يحب نفسه 💔

‏"صامتة بطريقة تجعلني أبدو وكأني راضية عن كل ما قد يحدث معي"

‏كم مرةً وصل الكلام إلى طرف لسانك لكنك ابتلعته كشفرة حادة قبل أن يقطع سمع الآخرين ؟

‏لا تكذب على نفسك اذا اكتشفت بها عيباً، ساعدها ودرّبها على التحسين، تقبّل فكرة أن لكل الناس عيوب لكن أنجحهم من يُجيد التعامل معها !

‏سأشجع أبنائي على أن يقرأوا القرآن ليستشعروا أن الله يناجيهم , قبل أن أخبرهم بأنه نور في القبر ليحبوا لقاء الله بدلا من أن يخافوا من البرزخ , وأن الصلاة هي فرصة رائعة للاختلاء بالله بعيدا عن زحمة الحياة قبل أن أذكرهم بأن من لا يصلي يدخل النار فيواظبوا عليها حباً في الله وليس خوفاً منه 💙

يا الله إني لا أُصلي لك كما يليق بك ولا أصوم كما كان يفعل داود ولا أصبر إذا مرضت كـ صبر أيوب ولا أُسبح بحمدك تسبيح يونس فـ بطن الحوت ولا آخذ ديني بقوة كـ يحيى ولا أغض بصري كما غض يوسف كل جوارحه ولست متسامحًا لحد القول "إذهبوا فأنتم الطلقاء" ولكني مثلهم يا الله أحبك ، فتولّني..💙

" ‏عاشِر أصيلاً .. إذا جارَ الزمانُ عليك يجودُ "