HLA BSA

اللهم اجعل في قلبي طمأنينةً تُطفئ خوفي،
وسلامًا يربّط على روحي كلما تعبت.
اللهم يسّر لي حالي، وبارك لي فيما أنا مُقبلٌ عليه،
وافتح لي أبوابك التي لا تُغلق،
وأبعد عن طريقي ما يؤذيني،
واكتب لي من الخير ما يفوق ظني،
ومن الراحة ما يليق بقلبٍ حاول كثيرًا يا رب.

اللهم إن قلبي يضيق بما لا أبوح به، ويُرهقني ما لا يعرفه أحدٌ سواك، فخذ بيدي إذا تعثّرت، واربط على قلبي إذا انكسر، وامنحني من الطمأنينة ما يطفئ هذا الألم، ومن اللطف ما يُعيدني لنفسي، ومن رحمتك ما يجعلني أبتسم رغم كل ما فقدته.

أنا وصلت لمرحلة الغضب اللي مابقاش فيه صوت… بس نار جوايا. تعبت من الناس اللي بتكسر وتعمل نفسها مش شايفة، ومن المواقف اللي بتهدّني وأنا ساكت. تعبت من إنّي أدي كتير واتعامل كإني ولا حاجة. بقت جوايا حرقة، غضب مخنوق، ووجع محدش يقدر يشيله. أنا مش بخير… وأنا زهقت من إني أعمل نفسي بخير.

اللهم اغفر لنا ولوالدينا

أنا بعمل كل اللي المفروض أعمله… بصحى، أشتغل، أضحك لما لازم أضحك، وأهز راسي لما لازم أوافق. بس الحقيقة؟ أنا بعمل كل ده من غير روح… من غير نفس. كإنّي آلة بتكمّل بس عشان متقفش، مش عشان عندي رغبة أكمّل.

بقيت حاسس إنّي بعوم في حياة مش حياتي. الدنيا حواليا ماشية بسرعة، وأنا واقف جوايا… مش قادر ألاحق. كل ما أقول لنفسي “شد حيلك”… أكتشف إني شادد من زمان لدرجة إن الحبل اتقطم جوا قلبي من غير ما صوت يطلع.

أنا مش ناقص قوة… أنا ناقص حياة. ناقص اللحظة اللي أحس فيها إنّي موجود فعلاً، مش مجرد نسخة صامتة مني.
بعمل كل حاجة صح… بس كل خطوة باخدها بتحسسني إن الأرض اللي ماشي عليها مش ثابتة، وإنّي كل يوم بفقد حاجة من روحي وأنا ساكت.

في ناس فاكرة إني تمام عشان بشوفهم وبتعامل وبضحك… بس محدّش يعرف إنّ ضحكتي بقت رد فعل مش إحساس، وإنّ كلامي بقى عادة مش مشاركة، وإنّ وجودي بقى جسد… وروحي واقفة على الهامش بتتفرّج.

أنا تعبت من المحاولة… وتعبت أكتر من إنّ محدّش شايف محاولاتي.
تعبت من إنّي بكمّل كل حاجة لوحدي، وعمري ما كنت فاضي أسمع نفسي وأنا بتكسر.
وبصراحة؟ أنا خايف… خايف من اليوم اللي هصحى فيه وما لاقيش أي حاجة جوايا تستاهل أحارب عشانها.

أنا ماشي… بس مش عايش.
موجود… بس مش حاضر.
وبعمل كل اللي عليا… بس من غير روح، من غير قلب، من غير أنا..!

✍🏻م ح