19/09/2023
كولر لما قرر يختار بين رضا وبن شرقي اختار رضا، اختار الجناح اللي يقدر يقدم نفس المردود سواء كان جناح يمين أو شمال، اختار اللاعب اللي ف أي وقت هيكون تاو وحسين مش موجودين فيه هيبقى معاه اللي يقدر يعوضهم، بل اللي يهد دهم ويلعب عليهم كمان
وبالتالي إنت كده بقى عندك 3 لعيبة ع مستوى عالي تختار بينهم اتنين براحتك والتالت حل قوي جدا ع الدكة، كولر اختار اللاعب اللي عنده هامش للتطور كبير، اختار لاعب جعان عايز يعمل تاريخ، اختار لاعب منضبط تاكتيكيا
ف الشوط الأول كان هو مصدر الإزعاج للمنافس، جرئ وبياخد الكورة وبيروح بوشه، مسخر مجهوده لمصلحة الفريق، مكنش بيصعبها ع نفسه ومش مستعجل ودي نقطة مهمة بتوضح ثقته في إمكانياته
حمل الكرة والتقدم بيها نقطة مهمة جدا هتفيدنا كتير، ثنائيته مع إمام مع الوقت التفاهم هيزيد وهنجني ثمارها، ومع عودة معلول لمستواه هنمتلك جبهة خطيرة جدا
تألق رضا هيخلي حسين لما يرجع يفضل محافظ ع مستواه، وتاو لو مفاقش ف الدوري وكما اللي بدأه النهاردة هيبقى مكانه ع الدكة، وعبد القادر كل دقيقة هياخدها المفروض هيستغلها كويس
البداية كويسة والانطباع الأول بيكون كتيرؤ نتمنى الاستمرارية وإن شاء الله تعمل تاريخ كبير ليك ف أبو النوادي ي فخر أسود الأطلس
رضا ي رضا بنحبك ي رضا ❤️
19/09/2023
19/09/2023
19/09/2023