د.عبير عزت

يسرنا توفير تطعيم الأنفلونزا الموسميه للاطفال وكبار السن ومرضى السكر فسارعوا بالتطعيم قبل موسم الشتاء

رمضان كريم كل عام وانتم بخير مواعيد العيادة من 9 الي 10 ونصف مساء" أيام السبت والاثنين والأربعاء

خمسه لصحتك :
الجو الايام دي تراب وحبوب اللقاح وكل ده مسبب رئيسي للحساسية.
مجرد نصائح عامه..
- غسل الوجه واليدين جيدا بالماء والصابون (اي نوع) واستخدام الماء البارد او الفاتر للوجه.
- Alerfen 180mg
او Desa tab
دي مضادات للحساسية .. اللي عنده قابلية يستخدمهم قبل ما يطلع بره ولما يرجع مينساش غسل الوجه والكفين .. الافضل تتوضا حتي لو متوضي .. بالغسيل بتنظف التراب وحبوب اللقاح الملتصقة بالجلد.
- بالنسبة للاطفال. . ياخذوا نص قرص من الاليرفين ١٨٠مجم .. لو هم اقل من ١٦ سنة .
ولو هم اصغر من ٤ سنين يجيبوا الشراب ..
.
الناس اللي عندهم حساسية ف العين.
يغسل عينه بميه باردة او محلول الملح اللي ف الصيدليه .. ويستخدم القطرة اللي متعود عليها
..
من الافضل اثناء الخروج .. تشغل تكييف العربية ع البارد وتقفل مدخل دخول الهواء من الخارج.
.
اغلاق الشبابيك والستائر جيدا
وتشغيل التكييف ع درجه 24بارد .

كيف تقي طفلك من التحرش

20 جمله يحب الأطفال سماعها

-- مرض الجديري المائي
مرض شديد العدوى والانتشار وبيصيب جميع الاعمار ولكن بيكون اكتر فى الاطفال قبل 15 سنة واكيد كلنا شفنا اطفال عندهم جديري اكتر من مرة -
-- العدوى بتكون عن طريق الجهاز التنفسي يعنى بواسطة العطس والكحة وممكن العدوى ايضا عن طريق لمس الاماكن المصابة فى جلد الطفل اللى عنده جديري او استعمال ادواته الشخصية زى الفوطة بتاعته مثلا - ولكن العدوى بتكون اكتر عن طريق الجهاز التنفسي
-- المرض فى معظم الحالات ما بيكونش خطير ولكنه مزعج وبيسبب تغيب الطفل عن المدرسة فترة طويلة .
- الشخص المصاب ممكن يعدى غيره من قبل ظهور الطفح بحوالى يومين وبتستمر العدوى لغاية الطفح ما يعمل قشرة وينشف
- الاعراض فى الاول بتكون على شكل دور برد مع حرارة وحالة من الاعياء وبعد الاعراض دى بحوالى يومين بيبدأ ظهور الطفح واللى بيكون بداية ظهوره غالبا فى منطقة البطن والظهر ثم الوجه وينتشر بعد كده فى كل الجسم وبيبقى مصحوب بحكة (هرش) شديد والحبوب بعد كدة بيكون زى فقاعات فيها سائل شفاف -- الوضع ده بياخد من اسبوع لعشرة ايام لغاية ما تنشف الفقاعات دى - وبتاخد بعده فترة طويلة من اسابيع لغاية شهور لغاية العلامة اللى سايباها على الجلد ما تروح ولكن فى الاخر ما بتسيبش علامة دائمة الا فى حالات نادرة لو حصل التهاب شديد فى الجلد او هرش شديد بواسطة الاظافر لدرجة انه يجرح الجلد-- وعلشان كدة مهم جدا نقص اظافر الطفل المصاب اول ما نعرف انه عنده جديري--
- فترة حضانة المرض طويلة وهى حوالى من 10 الى 21 يوم -- وده يعنى لو الطفل اخد العدوى ممكن ما تظهرش الاعراض غير بعد 3 اسابيع--
- المرض ده بيصيب الشخص مرة واحدة فقط فى العمر ولكن الفيروس بيفضل كامن فى الجلد ولو حصل له نشاط تانى فى سن كبير بيجى على شكل مرض تانى اسمه الحزام النارى وده نادرا جدا يحصل للاطفال --
- المرض غالبا بيعدى بدون مضاعفات الا فى حالات نادرة مصحوبة بنقص شديد فى المناعة او فى الاطفال قبل سن سنة وهو ما بيحصلش الحمد لله كتير فى العمر ده
- ممكن يسبب مشاكل ايضا فى المسنين وعلشان كده نبعدهم عن الاطفال المصابين
-- لو اصاب الحوامل ممكن يعمل مشاكل فى الجنين - لو فى اول 3 شهور ممكن يعمل عيوب خلقية ولو بعد كده ممكن يعمل مشاكل تانية زى مشاكل الجهاز العصبى او العين للجنين
-- لازم نبعد الطفل المصاب عن الحوامل وخصوصا لو الحامل ما خدتش المرض قبل كدة ولا اخدت التطعيم بتاعه ..
- اللى مضطر يتعامل مع الطفل المصاب لازم يستعمل مطهرات لايده وكمان ملابس الطفل واغطية السرير تتغسل لوحدها وكمان ادواته الشخصية زى الملاعق والاطباق وخلافه
- بالنسبة للوقاية بتكون بعزل الطفل المصاب وناخد الاحتياطات اللى قلنا عليها
- بالنسبة للى ما اخدوش المرض ممكن ياخدوا التطعيم بتاع الجديري وهو عبارة عن جرعتين وبتبدا اول جرعة من عمر سنه ويستحسن سنه وشهر بعد تطعيم السنة بشهر والتطعيم بيدى وقاية من المرض تقترب من 100 % وهو متاح فى المصل واللقاح وبعض العيادات الخاصة
----
بالنسبة للعلاج :
المرض نادرا ما يحتاج علاج اكتر من دواء حساسية لتقليل الاحساس بالحكة وخافض حرارة عند اللزوم وغسول ملطف للجلد .
-- الجديري لا يحتاج مضاد حيوى لانه زى ماقلنا فيروس مش بكتيريا
- ممكن فى بعض الحالات اللى الاصابة فيها شديدة او المناعة مش مظبوطة نستعمل مضاد فيروسي مش مضاد حيوى ولكن معظم الاطفال ما بيحتاجهوش -
- فيه اعتقاد سائد بين الناس ان الطفل اللى عنده جديري ما ينفعش يستحمى ولكن الواقع لو الطفل ما استحماش الحكة والهرش هتزيد والصح انه ممكن يستحمى بمية فاترة ولكن بدون استعمال حاجة خشنه للجلد علشان ما نفتحش الحبوب زيادة -- ممكن ماء فاتر مع شامبو او صابون فقط
- بلاش نلبس الطفل ملابس تقيلة زيادة عن اللزوم - ولا ملابس فيها الياف صناعية -- ولكن تكون حاجات قطن