Tiny Tree

بما اننا داخلين على موسم المدارس و back 2 school بقى و كده ف مفيش احلى من المكاتب ممكن نرجع بيها 🤩🤩

يا جماعه والله الحصان و جماله ماشاءالله 🤩
اكتر حاجه بحبها في شغل ال hand made بحس القطعه معموله مخصوص ل ولادي و طبعا الانسه لوكا حببتني اكتر فيه و هى فرحانه و مستمتعه بيه 💕

لعب الولاد منطوره و مكركبه الدنيا 🙆
مكتبه و دولاب ل لعب الولاد على شكل بيت يلم لعبهم و يدي شكل حلو ديكور في أوضتهم و تكون حاجاتهم قدامهم يعرفوا يوصلولها بسهوله

مهما الوقت عدى و مهما اخترعوا لعب مش هييجي في حلاوة و متعة الحصان الخشب 😍 من اجمل الهدايا اللي ممكن نجيبها لولادنا على العيد 😍
يلا الحقوا اطلبوا و في خصم بمناسبة العيد و بمناسبة عيد الأم ١٠ ٪ 🤩

انتوا بتحطوا الهدوم فين ؟!🙄
عندكوا كرسي جمب الدولاب أو جمب السرير نسيتوا شكله من كتر الهدوم اللي عليه 🫣😁
الشماعه ديه هى الحل 🤩
بجد شكلها سكر جدا و هتحل اسخف مشكله و تخلينا نرجع نشوف شكل الكرسي تاني 😁 و هتشجع الولاد من حلاوة شكلها يروقوا معانا ...

بحب اوي القطع المريحه و العمليه 😍
و ده من اكتر القطع المفضله و بقول كده عشان ده سرير و مرجيحه للطفل بيتفك و يتركب 🤩..
الطفل اول فترة بيكون مرتبط اوي بحاجته خصوصا في روتين النوم و صعب يغيرها ف لو قررنا نسافر أو نروح اي مكان بيبقى صعب اوي
عشان كده القطعه ديه مميزه اوي هنفكه و نركبه و نتحرك بيه بمنتهى السهولة
كمان لما الطفل يكبر عليه نقدر نفكه و نشيله لغاية ما نحتاجه تاني من غير ما يشغل مساحه أو كركبه

مكانش ينفع الشهر الكريم يعدي من غير ما نعمل coffee table جميله تحسسنا بفرحة و بهجة رمضان و تضيف لمسة جمال على ديكور رمضان و تكون قطعة مميزة و عمليه في الاستخدام .. رمضان كريم 😍

من اهم التجهيزات لأستقبال مولود جديد هى سرير النونو 🥰 و بيفضل يستخدمه اهم فترة تقريبا
و بالنسبالي ديه كانت قطعه مهمه جدا عشان اكون مطمنه عليهم و اتحرك في البيت براحتي ..
و كنت محتاجه تكون مكمله معايا حتى لما يكبروا ف اختارنا تصميم لطيف و عمل
من اهم التجهيزات لأستقبال مولود جديد هو سرير النونو 😍 انا كنت محتاجه يوفرلي اكتر من استخدام اولهم طبعا يكون في مستوى سرير الام و يتفتح عليه و في نفس الوقت اقدر اقفله و يكون سرير منفصل امان ل البيبي لما يتقلب ..
اقدر اشيل الجزء اللي في النص و اخليه على اول مستوى عشان البيبي لما يقف ميكونش في خطورة عليه و اقدر برده اسيبه بلعبه و انا مطمنه انه مش هيقع او يتخبط في حاجه و تكون حركته محدوده و ده للأمان برده
و اصلا اول مستوى درجين بعرض و عمق السرير كله ف ده كان شايل كل مستلزمات النونو و هدومه و موفر عليا ان يكون في وحده اضافيه
بعد كده كمان اقدر استخدمه كنبه لطيفه و مريحه من الزان و مقاساتها 60*120
بحب اوي بصراحه القطع ال multi function ☺️

مش معنى أن الترابيزه و الكرسي معمولين ل الولاد اني مستغلهمش 😁 .. ماشاء الله المنتجات جودتها و خاماتها كويسه و شكلها حلو جدا اقدر استخدمها اكتر من استخدام

من اهم الخطوات اللي نفسي اعود ولادي عليها أنهم يكونوا معتمدين على نفسهم بس قبل ما اعمل ده لازم اطمن أنهم في امان
ولادي ربنا يحفظهم مبيحبوش حاجه تقيدهم ف رفضوا تماما فكرة كرسي الاكل ..
بابا عملنا كرسي و طرابيزه صغننين على ادهم 😍🥰يقدروا يستخدموهم لوحدهم و أنا مش قلقانه و في نفس الوقت يستحملوا اللي بيحصل فيهم من شخبطه و تخبيط و مياه تدلق عليهم 🙆