22/04/2026
🚩
वैशाख शुक्ल पंचमी,
श्री #आद्यशंकराचार्य यांचा जन्मदिवस.आद्य शंकराचार्य हे अद्वैत वेदांत तत्त्वज्ञानाचे महान पुरस्कर्ते, समाजसुधारक आणि हिंदू धर्माचे पुनरुज्जीवन करणारे जगद्गुरु होते.
त्यांचा जन्म केरळ येथील कालडी येथे झाला होता. ते वयाच्या आठव्या वर्षी वेदांतात पारंगत झाले. शंकराचार्य हे हिंदू धर्मातील सर्वोच्च आचार्य मानले जातात.त्यांनी द्वारका मठ, जगन्नाथपुरी मठ, शृंगेरी मठ आणि ज्योतिर्मठ येथे चार पिठे निर्माण करून त्यावर प्रत्येकी एक पीठासन शंकराचार्य नेमून आचार्य परंपरा घालून दिली. श्री आद्य शंकराचार्य यांनी ब्रह्मसूत्र, उपनिषदे, भगवद्गीता व अन्य विषयांवर अनेक भाष्यग्रंथ लिहिले आहेत. त्यांनी तत्त्वज्ञान विषयक ग्रंथ, संस्कृत स्तोत्र व अनेक काव्य यांची रचना केली आहे.त्यांच्या अनेक पद्मरचना अनुप्रसादी काव्यलंकारांनी ओथंबलेल्या आहेत. आद्य शंकराचार्य यांनी ब्रह्मसत्यम् जगन्मिथ्या हे तत्त्वज्ञान मांडले. त्यांनी शैव व वैष्णव हा वाद संपवण्याचे मोठे कार्य केले. असे हे थोर आद्यगुरू वयाच्या ३२ व्या वर्षी परमात्म्यात विलीन झाले.
त्यांच्या जयंतीदिनी त्यांना कोटी कोटी प्रणाम.
22/04/2026
10/04/2026
10/04/2026
10/04/2026