Asia Euro University-ការិយាល័យរដ្ឋបាល

មោទកភាពយ៉ាងក្រៃលែង! និស្សិត IT AEU ក្តោបក្តាប់មេដាយមាស-ប្រាក់ សំរឹទ្ធ កម្រិតតំបន់! 🎉🥇
មហាវិទ្យាល័យវិទ្យាសាស្ត្រ និងបច្ចេកវិទ្យា (FST) នៃសាកលវិទ្យាល័យ អាស៊ី អឺរ៉ុប (AEU) មានសេចក្តីរំភើប និងមានមោទកភាព ក្នុងការប្រកាសជូនដំណឹងអំពីជោគជ័យដ៏អស្ចារ្យរបស់និស្សិតទាំង ៥ រូប ក្នុងការប្រកួត "NetAcad Riders Competition 2026" វគ្គទី១ កម្រិតតំបន់ (Cambodia, Myanmar and Laos)។
ពួកគេបានខិតខំប្រឹងប្រែង ស្រាវជ្រាវ និងបាននាំយកមកនូវជ័យលាភីដ៏ខ្ពង់ខ្ពស់៖
• មេដាយមាស លោក អាំ សាក់លឿន
• មេដាយប្រាក់ លោក នួន វណ្ណា - លោក រឿង សុធា
• មេដាយសំរឹទ្ធ កញ្ញា ម៉ៃ លីដា - លោក រុន ដារ៉ូ
ជោគជ័យនេះ មិនត្រឹមតែជាមោទកភាពរបស់សាកលវិទ្យាល័យប៉ុណ្ណោះទេ ប៉ុន្តែវាក៏ជាភស្តុតាងសបញ្ជាក់ថា គុណភាពអប់រំរបស់មហាវិទ្យាល័យវិទ្យាសាស្រ្ត និងបច្ចេកវិទ្យា នៃសាកលវិទ្យាល័យ អាស៊ី អឺរ៉ុប គឺមានកម្រិតស្តង់ដារប្រកួតប្រជែងថ្នាក់តំបន់។
និស្សិតជ័យលាភីកំពូល ២រូប នឹងបន្តដំណើរតំណាងឱ្យកម្ពុជា ទៅចូលរួមការប្រកួតក្នុងជុំទី២ (Grand Final) នៅថ្ងៃទី៧ ខែឧសភា ឆ្នាំ២០២៦ ខាងមុខនេះ។ សូមជូនពរឱ្យពួកគេទទួលបានជោគជ័យដ៏អស្ចារ្យបន្ថែមទៀត!

📖✍️និស្សិតជំនាន់ទី២៦ ឆ្នាំទី៤ ឆមាសទី២ ជំនាញ ធនាគារនិងហិរញ្ញវត្ថុ សិក្សាក្នុងមហាវិទ្យាល័យសង្គមសាស្រ្ត និងសេដ្ឋកិច្ចនៃសាកលវិទ្យាល័យ អាស៊ី អឺរ៉ុប បានចុះកម្មសិក្សាស្រាវជ្រាវ ដេីម្បីប្រមូលទិន្នន័យសរសេររបាយការណ៍បញ្ចប់ការសិក្សាថ្នាក់បរិញ្ញាបត្រ លើប្រធានបទ ស្ដីពី «ការគ្រប់គ្រងឥណទានរបស់គ្រឹះស្ថានមីក្រូហិរញ្ញវត្ថុ ហ្ក្រូវ ម.ក ទីស្នាក់ការកណ្ដាល ឆ្នាំ២០២៣-២០២៤»។
សាស្រ្តាចារ្យណែនាំ : កង ហេមជន្ម
____
📅ថ្ងៃទី២ ខែមេសា ឆ្នាំ២០២៦
📍គ្រឹះស្ថានមីក្រូហិរញ្ញវត្ថុ ហ្ក្រូវ ម.ក

📣ដំណឹងជ្រើសរើសបុគ្គលិកផ្នែករៀបចំសណ្តាប់ធ្នាប់ កង់-ម៉ូតូ ចំនួន ៥នាក់ បន្ទាន់ «សម្ភាសភ្លាម! ចូលធ្វើការភ្លាម!»
🔹សម្រាប់ព័ត៌មានលម្អិតសូមទាក់ទងសូមចុចតាមលីង https://t.me/Mao_Sophat
ឬ Telegram «តេលេក្រាម» 087 655 777
✍️លក្ខខណ្ឌជ្រើសរើស៖
-កម្រិតវប្បធម៌ចាប់ពីថ្នាក់ទី៩ឡើង ឬកំពុងសិក្សាឆ្នាំទី១
-អាយុចន្លោះពី ១៨ឆ្នាំ ដល់ ៣៥ឆ្នាំ។
✍️ អត្ថប្រយោជន៍ទទួលបាន៖
-ប្រាក់ខែសមរម្យ និងជូនអាហាររូបករណ៍ ៥០% ១ចប់កម្មវិធីសិក្សា «ប្រសិនបើបេក្ខជនចង់សិក្សាបន្តថ្នាក់បរិញ្ញាបត្រ ឬបរិញ្ញាបត្ររង»
-កន្លែងស្នាក់នៅ, អង្ករ «បើក១ខែ/ម្តង» , ថ្លៃអាហារជូនប្រចាំថ្ងៃ «ល្ងាច ១ពេល»
-ទទួលបានបណ្ណ ប.ស.ស. «ថែទាំសុខភាព ហានិភ័យការងារ និងប្រាក់សោធននិវត្តន៍» រួមទាំងអត្ថប្រយោជន៍ផ្សេងៗជាច្រើនទៀត។

សូមអរគុណ!

🇰🇭🤝នំគ្រក់សាមគ្គីយុវជន AEU និងពិសានំបញ្ចុកសាមគ្គី
នំគ្រក់ជាអត្តសញ្ញាណមួយនៃម្ហូបអាហារខ្មែរ ដែលមានរសជាតិឈ្ងុយឆ្ងាញ់ ស្រួយខាងក្រៅ និងទន់ស្អិតខាងក្នុង។ នំនេះត្រូវបានធ្វើឡើងពីគ្រឿងផ្សំសាមញ្ញៗដូចជា ម្សៅអង្ករ ខ្ទិះដូង និងស្លឹកខ្ទឹម។ នំគ្រក់មិនត្រឹមតែជាអាហារសម្រន់ប៉ុណ្ណោះទេ ប៉ុន្តែវាក៏ជាផ្នែកមួយនៃវប្បធម៌រស់នៅរបស់ប្រជាជនខ្មែរ ដែលគេតែងឃើញមានលក់នៅតាមផ្សារ ឬតាមចិញ្ចើមផ្លូវស្ទើរគ្រប់ទីកន្លែងក្នុងប្រទេសកម្ពុជា។
វត្តមានដ៏ខ្ពង់ខ្ពស់របស់អ្នកឧកញ៉ាប្រធានក្រុមប្រឹក្សាភិបាល និងលោកជំទាវបណ្ឌិត ព្រមទាំងឧកញ៉ាបណ្ឌិតប្រធានកិត្តិយសសាកលវិទ្យាល័យ និងលោកជំទាវ គណៈគ្រប់គ្រង ភ្ញៀវកិត្តិយស បុគ្គលិក សាស្រ្តាចារ្យ និងនិស្សិត អញ្ជើញចាក់នំគ្រក់សាមគ្គីដែលរៀបចំឡើងដោយប្អូនៗយុវជនប្រចាំសាកលវិទ្យាល័យ បន្ទាប់មកពិសានំបញ្ចុកសាមគ្គីជុំគ្នា ក្នុងព្រឹត្តិការណ៍សង្រ្កាន្តសាកលវិទ្យាល័យ អាស៊ី អឺរ៉ុប ឆ្នាំ២០២៦។
📅ថ្ងៃទី១ ខែមេសា ឆ្នាំ២០២៦
📍អគារមាស សាកលវិទ្យាល័យ អាស៊ី អឺរ៉ុប
#សង្រ្កាន្តAEUឆ្នាំ២០២៦

សូមគោរពថ្លែងអំណរគុណយ៉ាងជ្រាលជ្រៅ ជូនចំពោះ
គណៈកម្មការ អនុគណៈកម្មការ យុវជន ក.ក្រ.ក. និងស.ស.យ.ក. អាជ្ញាធរដែនដី និងបងប្អូនប្រជាពលរដ្ឋជុំវិញសាកលវិទ្យាល័យ អាស៊ី អឺរ៉ុប ដែលបានចូលរួម និងសហការរៀបចំព្រឹត្តិការណ៍ «សង្រ្កាន្តសាកលវិទ្យាល័យ អាស៊ី អឺរ៉ុប» ដែលបានប្រារព្ធធ្វើនៅថ្ងៃទី១ ខែមេសា ឆ្នាំ២០២៦ នៅសាកលវិទ្យាល័យ អាស៊ី អឺរ៉ុប ប្រព្រឹត្តទៅដោយរលូន និងទទួលបាននូវភាពសប្បាយរីករាយក្រៃលែងជាមហាគ្រួសារខ្មែរ។
សូមគោរពជូនពរ គណៈកម្មការ អនុគណៈកម្មការ យុវជន ក.ក្រ.ក. និងស.ស.យ.ក. អាជ្ញាធរដែនដី និងបងប្អូនប្រជាពលរដ្ឋជុំវិញសាកលវិទ្យាល័យ អាស៊ី អឺរ៉ុប ទទួលនូវពុទ្ធពរទាំងបួនប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ៕