Sarun Vutha

កូនអើយខំរៀន ចំណេះជាស្ពាន ឲ្យកូនធូរធារ
កុំឲ្យដូចពុក រស់វេទនា ព្រោះអត់វិជ្ជា
ដុះជាប់ក្នុងប្រាណ។
កូនមានចំណេះ កូនជាអ្នកចេះ ធូរស្បើយមិនខាន
ចំណេះជួយកូន ឲ្យរស់ថ្កើងថ្កាន សូមកូនៗអាន
កំណាព្យឪផ្ដាំ។
វ័យកូនសិក្សា កុំគេចសាលា ឲ្យឪប្រេះស្រាំ
កូនត្រូវខំរៀន ជោគជ័យនៅចាំ យូរខែយូរឆ្នាំ
ដល់គោលដៅហើយ។
បើអត់វិជ្ជា ពិតវេទនា ដូចឪកូនអើយ
កូនត្រូវខំរៀន កុំធ្វើកន្តើយ កូនទៅថ្ងៃក្រោយ
ថ្កុំថ្កើងរុងរឿង។
(និពន្ធដោយ ដួងសុវណ្ណ.១០ .៣.២០២៥)