Nour décor

🇲🇦

Casablanca marocain canapé 🛋

شحال غدوز فيها !

هضرة كنسمعوها بزاااف عند الزبون ، بعض المرات كتجيك شي خدمة وملي كطلب فيها الثمن تيقولك مولاها شحال گاع غدوز فيها . وسطر على "گاع"بمعنى (بزاااف داك الثمن لي طلبتي ) .
شحال غندوز فيها كيخصني أنا ، ومخاصكش تقارن بين الوقت والثمن ديال الخدمة.
حيت أنا كنبيع ليك الحرفة ديالي لي عطيتها حياتي حتى تعلمت ليها صبرت للبرد والصيف وتمارة والهضرة وقل الثمن ووو... على قبل هاد النهار لي غنخدم ليك دارك أنت .
وإلى بان ليك غتشيط ليا 300/400/500 درهم فالنهار فهادي هيا الثمار ديال هادوك الأعوام لي دزت منها ، وماتحسدنيش فرزقي .
كما أنت كتمشي عند طبيب إشوفك جوج دقيق وتحط 300 درهم وضرب الباب ومكاتهضرش حيث عارف داك طبيب قرا وخدم باش يوصل لداك النيڤو ، فحتى الحرفي نفس الشيء.
حاسبني على جودة العمل والإتقان والفينيسيون وعلى الكلمة و المعاملة .
من غير داكشي فراه كيخص المعلم .

Nour décor Casablanca