06/09/2026
Оны шилдэг зөгийн бал шалгаруулах арга хэмжээ амжилттай зохион байгуулагдаж байна
BeeDep-MONGOL3 төслийн хүрээнд Дархан-Уул аймгийн оны шилдэг, чанартай зөгийн балыг шалгаруулах, сурталчлах үйл ажиллагаа 2026 оны 9 дүгээр сарын 4, 5-ны өдрүүдэд амжилттай зохион байгуулагдлаа. Тус үйл ажиллагаа нь Дархан-Уул аймагт үйлдвэрлэж буй зөгийн балны чанарыг сайжруулах, орон нутагт үйлдвэрлэсэн чанартай зөгийн балыг хэрэглэгчдэд сурталчлан таниулах, зөгийчдийн холбооны үйл ажиллагааг дэмжих санхүүгийн эх үүсвэрийг бүрдүүлэх зэрэг зорилготой. Энэхүү үйл ажиллагааг Дархан-Уул аймгийн “Хатан эх” зөгийчдийн холбоотой хамтран зохион байгуулж байгаа бөгөөд энэ удаагийн шалгаруулалтад тус холбооны гишүүн 25 зөгийчин өрхийн үйлдвэрлэсэн 39 төрлийн зөгийн балны дээж ирүүлээд байна. Шалгаруулалтад ирүүлсэн зөгийн балны чанар харьцангуй өндөр түвшинд байгаа нь Дархан-Уул аймгийн зөгийчид чанартай зөгийн бал үйлдвэрлэхийн төлөө хичээн ажиллаж, бүтээгдэхүүнийхээ чанарт улам их анхаарч байгааг харуулж байна.
Төслийн баг
04/02/2026