Residenti: Centru storiku Mellieha u il-madwar

Avviżi tal-Parroċċa
14 - 21 ta' Ġunju

IL-ĦADD • Illum huwa l-11 il-Ħadd matul is-Sena Liturġika.

IT-TLIETA • Il-Kummissjoni Djaknija tavża li ser issir Pizza Night fiċ-Ċentru Parrokkjali għar-romol fil-5.30pm. Kitba għand il-membri tal-Kummissjoni Djakonija.
L-ERBGĦA • Il-parroċċa qed torganizza pellegrinaġġ għal ta' Pinu. Tluq fit-3.30pm minn ħdejn iċ-ċimiterju ‘Sultana tal-Vittorji’ (ta’ wara l-knisja).Kitba fis-sagristija sal-Ħadd, 14 ta' Ġunju.

IL-ĦADD • Festa ta’ Jum il-Missier. Nitolbu għall-missirijiet mejtin biex il-Mulej jagħtihom il-mistrieħ ta’ dejjem u għal dawk ħajjin biex il-Mulej jieqaf magħhom fil-qadi tad-dmirijiet tagħhom.
• Għalhekk it-Tnejn 22 ta’ Ġunju fis-7.00p.m. ikollna Quddiesa fiċ-Ċimiterju ‘Sultana tal-Vittorji’ (wara l-Knisja)
• u t-Tlieta 23 ta’ Ġunju fis-7.00p.m. fiċ-ċimiterju Omm il-Ħniena (fi Triq il-Marfa) issir quddiesa b’suffraġju għall-missirijiet kollha mejtin.

• AVVIŻI OĦRA

• Min nhar it-Tnejn, 22 ta’ Ġunju ser nibdew nilqgħu l-applikazzjonijiet ta’ reġistrazzjoni tat-tfal għall-Ewwel Sena tad-Duttrina fiċ-Ċentru Parrokkjali għas-sena 2026-2027. Dawk il-ġenituri li għandhom it-tfal li twieldu fl-2021 li ser jibdew Year 1 fl-iskola u li jixtiequ jirreġistrawhom għad-Duttrina huma mitluba li jiġbru applikazzjoni mill-Uffiċċju Parrokkjali. Hu meħtieġ ċertifikat tal-Magħmudija jekk it-tfal irċevew il-magħmudija barra l-parroċċa. Il-ġenituri/kustodji huma mitluba li jimlew l-applikazzjoni minn qabel u jġibuha magħhom meta ser issir ir-reġistrazzjoni fiċ-Ċentru Parrokkjali mit-Tnejn, 22 sal-Ħamis, 25 ta’ Ġunju bejn il-5.30pm u s-7.00p.m.

• Il-ġabra li saret is-Sibt u l-Ħadd li għadda laħqet is-somma ta’ €2050. Grazzi lil kulħadd tal-ġenerożita tagħkom.

• Nitolbu għal Mary Gauci li għaddiet għall-ħajja ta’ dejjem f’dawn l-aħħar ġranet. Agħtiha . . .

Car show Al Putting Cares fil Pjazza Tal Mellieha IL Hadd 3 ta Mejju .